Exposición en Pontevedra, España

70 - Fernando Casás / Juan Fernando de Laiglesia

Dónde:

Sala X - Sala de Exposicións do Campus de Pontevedra / Facultade de Belas Artes. Rúa Maestranza, 2 / Pontevedra, España

Ver mapa

Cuándo:

27 oct de 2016 - 09 dic de 2016

Inauguración:

27 oct de 2016 / 20:00

Horario:

De luns a venres, das 12.00 h. ás 14.00 h. e das 19.00 h. ás 21.00 h.

Organizada por:

Sala X - Sala de Exposicións do Campus de Pontevedra

Artistas participantes:

Fernando Casás , Juan Fernando de Laiglesia González de Peredo

Descripción de la Exposición

Como os malditos do rock and roll, Fernando Casás e Juan Fernando de Laiglesia intérnanse no espazo da Sala X de Pontevedra para ensinarnos, coa súa última obra plástica, que a arte non entende de idades. Artistas ambos e profesores da Facultade de Belas Artes de Pontevedra, ao alcanzar os setenta anos propóñense mostrar, nun espazo compartido, algunhas obras que son como rexistros que presentan o frescor dun tinto de verán. Juan Fernando de Laiglesia desenvolveu a súa traxectoria artística desde os anos setenta, analizando pouco a pouco tres tipos de figuración: gráfica e épica, ata finais dos oitenta, e simbólica a partir dos noventa. Foi perfeccionando obsesivamente a exploración dos obxectos como disparadores semánticos. Así, desde as instalacións interactivas ("Canis absconditus, Sala X, 2007, Pontevedra), ata as propostas de prototipos simbólicos ("Telescopio transparente", Sala Erdel, 2009, Regensburg), proponse a construción de sorpresas experimentais con materiais encontrados ("Seis fisterras de auga", ... Alterarte, 2016, Ourense). Nas exposicións recentes está centrándose en tres liñas simultáneas: SN (a Supervivencia do Nómada), CA (a composición azarosa) e MGE (a mirada xeoesférica) coas que espera cumprir nos próximos anos o sentido dos diferentes camiños percorridos. Neste mes de outubro, (Sala X, 2016), grazas a unha intensa conversación con Fernando Casás ao longo de seis meses, móstrase un resumo das diferentes solucións sobre morfoxénesis e ensamblaxe que foron realizadas durante os últimos vinte e cinco anos, período vital no que compartiu con el a aventura de ser profesores de Belas Artes. Presenta dous grandes ensamblaxes biomórficos, unha pintura de gran formato resolta por transparencia simultánea de dous imaxes, e outros exercicios visuais e mecánicos de construción das formas nos que o espectador participa activamente. Pola súa banda, Fernando Casás é un artista experimental que vive entre o Brasil e España, mantendo estudios en ambos países. Convivir co bosque tropical, onde a erosión e o ciclo da vida evidencian a lei do eterno retorno, propiciou que Casás desenvolvera unha obra que, sempre desde a investigación, virase cara o paso do tempo e á memoria. Na actual exposición presenta dúas obras que se complementan: "Ouvindo Estrelas", telas cósmicas fosforescentes; e "Un outro xardín para Marte", reflexión que o artista ven facendo sobre a posibilidade de supervivencia da vida tal como a coñecemos.

Imágenes de la Exposición

Juan Fernando de Laiglesia, Mueble vikingo, 1993-95, 126 x 130 x 48 cm.

Entrada actualizada el el 27 oct de 2016

¿Te gustaría añadir o modificar algo de este perfil?

Infórmanos si has visto algún error en este contenido o eres este artista y quieres actualizarla. ARTEINFORMADO te agradece tu aportación a la comunidad del arte.