A exposición Ironías do aparente nace co obxectivo de dar a coñecer a obra de tres artistas emerxentes (Lúa Louro, Belén Naveira e Paula Purriños), que rematan neste curso a carreira de Belas Artes. A finalidade da proposta consiste en elaborar tres discursos diferentes a partir dun mesmo tema, a apariencia.

Lúa Louro aborda a través dos seus obxectos a apariencia física como xogo visual. Mediante esta estratexia enfatiza na doble identidade da imaxe ficticia fronte a realidade.

Belén Naveira conxuga a fotografía coa pintura para poñer en evidencia certas características ocultas dos elementos do ámbito pictórico. Centra a súa línea de actuación no poder de suxestión da realidade.

Paula Purriños presenta unha serie de óleos nos que amosa mulleres inmersas en mundos oníricos nos que critica a mirada superficial que existe na ... actualidade en torno ó corpo feminino.