A Fundación Curros Enríquez e o Concello de Celanova colaboran nesta ocasión coa Asociación Cultural Padre Silva e a Fundación Benposta para ofrecer ós visitantes da casa familiar de Manuel Curros Enríquez en Celanova unha mostra que reúne fotografías, cartelería e numerosas pezas gráficas sobre a figura do Padre Silva. A exposición tamén fai referencia á historia da Ciudad de los Muchachos e do circo.

Esta escolma da vida e da obra do Padre Silva poderase visitar desde o 7 de xuño ata finais de agosto en horario de martes a sábado de 11 a 13.30 e 16 a 19 horas. Mostra que formou parte da homenaxe realizada na Romaría Raigame 2013 por parte da parroquia de Celanova que foi terra natal do creador de Benposta e do seu tío avó Secundino Feijóo, fundador do Cirxo Feijóo e promotor do ... circo moderno en España, coa xestión do madrileño Circo Price por parte dos seus descendentes. Sucesores que mesmo manteñen vínculos familiares coa saga circense Aragón, por medio da filla de Miliki, Rita Irasema.